مەملەكەت باسشىسى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا 55 جاستان اسقان ادامداردىڭ جۇمىسقا شىعۋىن بارىنشا شەكتەۋدى تاپسىردى.
«مەديتسينالىق جۇيەگە ەڭ كوپ جۇكتەمە مەن ءولىم-ءجىتىمدى «تاۋەكەل توبى» دەپ اتالاتىن تۇلعالار كورسەتەدى. بۇل 55 جاستان اسقان جانە سوزىلمالى اۋرۋلارى بار ادامدار. ولاردىڭ جۇمىسقا شىعۋىن بارىنشا شەكتەۋ جانە ۇيدە وقشاۋلاۋ رەجيمىن قامتاماسىز ەتۋ كەرەك», دەدى پرەزيدەنت.